..

أنا إنسانه غيوره بشكل غير طبيعي على زوجي ويوجد مع زوجي بنات في العمل وانا لا أستطيع الوقف عن سؤاله عن المكتب وكيف وفين واحاول اشوف إذا في مكالمات ولا أستطيع منع نفسي من سؤاله مع انه لا يوجد دليل حقيقي على تماديه غير اني وجدت رقم واحده مع انها مش في قسمه ووحدت محادثه غبيه بينهم كلها كذب ، لا اعرف كيف أتوقف عن سؤاله وعن التفكير به طول اليوم علما بان لدي وظيفه

امي وابوي منفصلين من وانا عمري ٧ سنين بسبب زواجه بزوجه ثانيه وطيلة عمري انا واخواني وامي واجهنا الكثير من الظلم والتفرقه من والدي يعامل اخواننا من الاب معامله مختلفه تماما عندهم بيت ملك وسيارات واحنا ايجار ووضعنا ميسور، انا اكبر وحده قبلي ولد فقط واشتغلت من عمر صغير عشان اساعد الوالده ونطلع من المشاكل الي احنا فيها ونصرف عالبيت، مع ان والدي غني جدا الله يباركل له، طول عمري ابوي مسجل مؤسسات ودنيا على اسمي وانا صغيره ماكنت افهم وكان دايما مستفيد مني، عموما انا الان مملكه واجهز لزواجي وابوي ما عطاني ولا ريال الا مبلغ بسيط بعد ما كنت اطلب منه كثير، اضطريت اخذ قرض على اسمي عشان زواجي وابوي زعل مني اني ما اعطيته هو يتصرف فيه ويرجعه لي وقت ما احتاجه، يعني مثلا عندي موعد فالتاريخ الفلاني هو يعطيني المبلغ كامل لكن بشرط اني اظلع القرض واعطيه اياه وهو بيسدده وبيعطيني المبالغ في وقتها، امي رفضت وانا قلتله خلاص مافي داعي انا بسدده وخليه معايا، ومن يومها مايرد علي وكاني فعلت جريمه، عموما انا والدي. من وانا صغيره هاذي طريقته معي تعودت، لكن زوجي، كيف اروح بيتي وانا علي قرض ١٢ الف، وش اقوله؟ هل أعطيه خبر واقوله عن المشكله الي بيني وبين ابوي؟ هو عنده علم برؤوس اقلام ولكن مايعرف الموضوع كامل، هل اقدر اقوله اني اضرطيت اخذ قرض؟ طبعا انا اسدده من اهلي لكن المقصد اذا سكتت معه فبيت واحد اخاف يعرف ويزعل اني ماقلت له، شورو علي اعلمه بمشاكلي مع ابوي ولا لا، جزاكم الله خير